ಕವಲು ಹಾದಿ
ಕವಲು ಹಾದಿ
——————
ಧುತ್ತೆಂದು ಎದುರಾದದ್ದು ಕವಲು ಹಾದಿ
ಮುಂದೇನು?
ಎಡಕ್ಕೋ ಬಲಕ್ಕೋ
ಯಾವುದು ಸುಗಮ
ಯಾವುದು ದುರ್ಗಮ
ರಾಶಿ ಫಲ ಏನನ್ನುತ್ತೆ?
ಅವರಿವರು ಏನಂತಾರೆ?
ಟಾಸ್ ಮಾಡೋಣವೇ?
ಆದದ್ದಾಗಲಿ ಬಲಕ್ಕೆ ಹೋದರಾಯಿತು.
ಸರಿ ಹೋಗದಿರೆ...
ಹಿಂದೆ ಬಂದರಾಯಿತು.
ನಡೆ.. ನಡೆ..ನಡೆ..
ಅರೆರೆ ಈಕಡೆ ಬರಬಾರದಿತ್ತೇನೋ!
ಹಿಂದಿರುಗಲೇ?
ತುಂಬಾ ಮುಂದೆ ಬಂದಾಯ್ತಲ್ಲ!
ಮತ್ತೆ
ಧುತ್ತೆಂದು ಎದುರಾದದ್ದು ಮತ್ತೊಂದು ಕವಲು ಹಾದಿ.
ಇಡೀ ಜೀವನ ಕವಲುಕವಲುಗಳ ಸರಪಳಿ.
ನಿನ್ನೆಗಳನ್ನು ಮರೆತರೆ
ಇಂದೂ ಮುಂದೂ ಸಂತಸ.
ಇಲ್ಲವೇ ಕೊರಳ ಸುತ್ತ ಸರಪಳಿ.
ಬಂದದ್ದೆಲ್ಲಾ ಬರಲಿ
ಗೋವಿಂದನ ದಯೆ ಇರಲಿ.
- ನಂದೀಶ
21 Jul 2015, 10:48 am
Download App from Playstore: