ನಾವಿಲ್ಲಿ ಅವರಲ್ಲಿ
ನಾವಿಲ್ಲಿ ಅವರಲ್ಲಿ
————————
ನಾವಿಲ್ಲಿ ಅವರಲ್ಲಿ.
ಅವರು ನಗುತ್ತಲೇ ಇದ್ದಾರೆ
ನಮ್ಮ ಮನಸ್ಸಿನಲ್ಲಿ ಕೋಪ ಶಾಪ
ಅವರು ನಗುತ್ತಲೇ ಇದ್ದಾರೆ.
ಶಾಪ ತಟ್ಟುವುದು ಬರೀ ಪುರಾಣ.
ನಾವೇಕೆ ಬೇರೆಯವರ ಶಾಪಕ್ಕೆ ಹೆದರಿ ಬದುಕುತ್ತೇವೆ!
ನಾವಿಲ್ಲಿ ಅವರಲ್ಲಿ.
ಅವರಿಗೆ ನಮ್ಮ ಕಾಳಜಿಯೇ ಇಲ್ಲ.
ನಮಗೆ ಅವರದೇ ಚಿಂತೆ.
ಅವರಿಗೆ ನಮ್ಮ ಕಾಳಜಿಯೇ
ಇಲ್ಲ.
ಪ್ರೀತಿಗೆ ಪ್ರೀತಿ ಸಿಗಲೇ ಬೇಕಿಲ್ಲ.
ನಾವೇಕೆ ಸಿಗದ ಪ್ರೀತಿಗೆ
ಕಾದು ಬೇಯುತ್ತೇವೆ!
ನಾವಿಲ್ಲಿ ಅವರಲ್ಲಿ.
ಹಿಂದೊಮ್ಮೆ ಆಡಿದ ಮಾತು
ಅವರಿಗೆ ನೆನಪೇ ಇಲ್ಲ
ನಾವು ನೆನೆನೆನೆದು ಕುಗ್ಗುತ್ತೇವೆ.
ಅವರಿಗೆ ನೆನಪೇ ಇಲ್ಲ
ನಾವೇಕೆ ನಿನ್ನೆಗಳ ಭಾರ
ಹೊತ್ತು ಕುಗ್ಗುತ್ತೇವೆ!
ನಾವಿಲ್ಲಿ ಅವರಲ್ಲಿ.
ನಮ್ಮ ಸಂತಸಕ್ಕೇಕೆ
ಅವರಿವರ ಹಂಗು.
ನಾವಿಲ್ಲಿ ಅವರಲ್ಲಿ.
- ನಂದೀಶ
21 Jul 2015, 10:44 am
Download App from Playstore: