*ಕರುನಾಡ ಕನ್ನಡ ರಾಜೇಶ್ವರಿ ಕನ್ನಡ ಕಂದನ ಭುವನೇಶ್ವರಿ
ಕದಂಬ ಕಲಿನಾಡ ಕಲಾ ಈಶ್ವರಿ
ನಿನ್ನ ಭಾಷೆಗೆ ಶಾಸ್ತ್ರೀಯ ಸಮ್ಮಾನ
ನಿರುಪಮ ಅನುಪಮ ಅಭಿಮಾನ
ಅಷ್ಟ ಜ್ಞಾನಪೀಠ ನಿನ್ನ ಮಡಿಲಿಗೆ
ಅಗ್ಗಳಿಕೆ ಚಂದನನಾಡಿನ ನುಡಿಗೆ
ಭಾರತೀಯ ಚಲಾವಣೆ ನೋಟಿನಲಿ
ನಾಲ್ಕರ ನೋಟವು ಕಸ್ತೂರಿಯಲಿ
ಕನ್ನಡತಿ ಸುಂದರ ಲಿಪಿಗಳ ರಾಣಿ
ಸನ್ನಡತೆಯ ಸಂಸ್ಕಾರಗಳಗ್ರಣಿ
ವಿಧಾನಸೌಧದಂಗಳದಿ ನಿನ್ನ ವೈಭವ
ವಿಶ್ವಕೆ ಬೆರಗು ನಿನ್ನ ದರ್ಶನ ಸ್ವರೂಪ
ಕನ್ನಡಿಗನಿದು ಗರ್ವ ಪ್ರತಿಷ್ಠಾನ ಪರ್ವ
ಜಯ ರಾಜರಾಜೇಶ್ವರಿ ಭುವನೇಶ್ವರಿ
ಜಿ.ಹೆಚ್.ಸಂಕಪ್ಪ
- ಕವಿಕೂಸು
25 Jan 2025, 06:25 pm
Download App from Playstore: