ಮುಗಿದ ಪಾತ್ರ
ಹುಟ್ಟಿದೆ ನೀನು ಜಗವ ನೋಡಲು
ಜಗಕೆ ನಿನ್ನ ಪಾತ್ರ ತಿಳಿಸಲು
ತೊದಲ ನುಡಿಯನು ಕಲಿತು
ಅಂಬೆಗಾಲನಿಟ್ಟು ನಡೆದಾಡಿ
ಹೆಜ್ಜೆಯ ಮೇಲೆ ಹೆಜ್ಜೆ ಇಟ್ಟು
ಭುವಿಯ ತುಂಬಾ ಓಡಾಡಿ
ಕುಣಿದು ಕುಪ್ಪಳಿಸಿ ನಲಿದಾಡುವೆ
ಜಿಂಕೆಯಂತೆ ಓಡೋಡುವೆ
ನಿನ್ನ ಪಾತ್ರವ ಜಗಕೆ ತಿಳಿಯಲು ಯತ್ನಿಸುವೆ
ಹಮ್ಮು ಬಿಮ್ಮುಗಳ ತೋರಿ
ಅಹಂಕಾರದಿ ನೀ ಮೆರೆದಾಡುವೆ
ಪ್ರೀತಿ ಪ್ರೇಮ ನೀ ಬೆಳೆಸುವೆ
ಕರುಣೆ ತೋರಿ ಕೈಯಿಡಿಯುವೆ
ಏನೂ ಮಾಡಿದರೇನು
ಏನೂ ಬಿಟ್ಟರೇನು
ಏನೇನು ಮಾಡಿದರು
ನಿನ್ನ ಪಾತ್ರವ ನೀ ಮುಗಿಸಿಕೊಂಡು
ನೀ ಹೊರಡಬೇಕು ನಿನ್ನ ದೇಹವ ಬಿಟ್ಟು
ಈ ನಶ್ವರದ ದೇಹ ಭೌತಿಕತೆ ತೊರೆದು
ಚಿರಸ್ಥಾಯಿಯಂತ ಪಾತ್ರವ ನೀ ಮುಗಿಸಬೇಕು
- Girishachara S
06 Nov 2024, 07:20 am
Download App from Playstore: