ಲೇಖನಿ
ಕಳೆದೋದವು ಹಲವು ದಿನಗಳು
ಮೂಲೆಯಲ್ಲಿದ್ದ ಲೇಖನಿಯೊಂದು ನನ್ನ ನೋಡಿ ನಕ್ಕಿತ್ತು
ಅರ್ಥವಾಗುತ್ತಿಲ್ಲ ಯಾಕಿರಬಹುದು ಈ ನಗು
ಕೆದಕಿ ನೋಡಲು ಭಯ, ಕಾರಣ ಗೊತ್ತಿರುವುದಲ್ಲವೇ...
ಹೇಳಲು ಏನು ತೋಚುತ್ತಿಲ್ಲ
ಬರೆಯಲು ಬೇರೆ ಪದಗಳಿಲ್ಲ
ಬರೆಯಲೇಬೇಕು ಏನಾದರೂ
ಆದರೂ ಏನಂತ ಬರೆಯಲಿ ಪುಸ್ತಕದ ಪುಟಗಳಲಿ .....
ಯೋಚನೆಗಳು ನೂರಾರು, ಅವೆಲ್ಲವ ಬಾಡಿಗೆ ಕೊಟ್ಟಿರುವೆ
ಇಂದು ನಿರಾಳವಾಗಿ ಬರೆಯಬೇಕೇಂದಿರುವೆ ಅವೆಷ್ಟು ಸಾಲುಗಳನು
ಖುಷಿಯಿಂದೇನೋ ಪುಸ್ತಕವನ್ನೇನೋ ಎತ್ತಿಕೊಂಡೆ
ಆದರೆ ಮೂಲೆಯಲ್ಲಿಟ್ಟ ಲೇಖನಿಯು ತನ್ನ ಕಾಯಕವನ್ನೇ ನಿಲ್ಲಿಸಿತ್ತು..
- ಪ್ರಿಯಾಂಕ
05 Mar 2023, 08:06 pm
Download App from Playstore: