ನಿನ್ನ ಪ್ರೀತಿಗೆ ನಾ ಮೌನಿಯಾದ
ಯಾರೇನು ಹೇಳಿದರೇನು
ನನ್ನ ಹೃದಯ ಮೌನವಾಗಿದೆ
ಅಳಲು ತೋಡಲು ಇನ್ನೂ ಏಕಾಂಗಿಯಾಗಿಹೆನು ||ಪ||
ಯಾವ ಪಡುವಣ ಗಾಳಿಯು
ತೂರಿ ಬರುತಿದೆ ಕಾಣೆನು
ಮನದೊಳಗಿನ ಆಸೆಯು ಕಮರುತಿದೆ ನನ್ನಲಿ
ಹಾರು ಹಕ್ಕಿಗೆ ರೆಕ್ಕೆ ಬೇಡವೆ
ಗುಬ್ಬಚ್ಚಿಗೆ ಗೂಡು ಬೇಡವೆ
ಕನಸು ಕಾಣುವ ಮನಸ್ಸಿಗೆ
ಕಲ್ಪನೆಯ ಲೋಕ ಬೇಡವೆ
ಮರೆಯಲಾರದ ಪ್ರೀತಿಗೆ
ಅಳಿಯಲಾರದ ಸಹಿ ಹಾಕಿದೆ
ನನ್ನ ಪ್ರೇಮ ಕಾವ್ಯಕೆ
ಇತಿಹಾಸ ಬರೆಯುವ ಚಿನ್ನದಕ್ಷರ ನೀನಾದೆ
ಯಾವ ಒಲವಿನ ನೋಟಕೆ
ಕಳೆದು ಹೋದೆ ನಿನ್ನಲಿ
ನಿನ್ನ ಕೋಪದ ಬಿಸಿ ಗಾಳಿಯು
ದೂರ ಮಾಡಿತು ನನ್ನನು
ನಿನ್ನ ಹೆಜ್ಜೆಗೆ ತಾಳ ಹಾಕದೆ
ಗೆಜ್ಜೆ ಪೂಜೆ ಮಾಡಲೇನು
ಯಾಕೋ ಈ ಮನಸ್ಸಿನ್ನೂ
ನಿನ್ನ ಜಪಿಸಿ ಸೊರಗುತಿದೆ....
- Irayya Mathad
17 Apr 2016, 08:55 am
Download App from Playstore: