ದಿಗಂತ
ಭೂಮಿಯ ನದಿ ನಾನಾದರೆ...
ನಾ ಸಾಗಿದೆಡೆಯೆಲ್ಲಾ ಕಾಣುವ ಆಗಸ ನೀ..
ಆವಿಯಾಗಿ ನಿನ್ನ ಸೇರಬೇಕೆಂದೆ..
ಮಳೆಹನಿಯಾಗಿ ನಿನ್ನ ಪಡೆಯಬಯಸಿದೆ..
ನಾ ಆವಿಯಾಗುವ ಮುನ್ನ,
ನೀ ಮಳೆ ಹನಿಯಾಗಿ ಧರೆಗಿಳಿದೆ.
ನಿನ್ನ ಸೇರುವ ಕನಸು,ನಿನ್ನ ಪಡೆಯುವ ಆಸೆ..
ಮಳೆನೀರಾಗಿ ನದಿಯಲಿ ಕೊಚ್ಚಿ ಹೋಗಿದೆ..
ನೀರಿಲ್ಲದ ನದಿಯಾಗಿ ನಾ ಬರಿದಾಗಿರುವೆ,
ದಾಹ ತಣಿಸಲಾರದ ಬರೀ...ನೆಲವಾಗಿರುವೆ,
ನಾನಿಂದು ಭುವಿಯಾದರೇ....
ನೀನದೇ ಅಂಬರವಾಗಿರುವೆ.
ನಿನ್ನ ಪಡೆಯುವ ಮಾತೇ ಇಲ್ಲ.....
ನಾವಾಗಲೇ ಒಂದಾಗಿದ್ದೆವೆ....
ಅಂತ್ಯವೇ ಇಲ್ಲದ ದಿಗಂತದಂತೆ.
ಎಂದೆಂದೂ ಸೇರಿದಂತಿದ್ದರೂ,
ಎಂದೆಂದಿಗೂ ಒಂದಾಗಲಾರದಂತೆ.........
- ನಿಮ್ಮಿ
02 Dec 2014, 04:01 pm
Download App from Playstore: