Kannada Poems

Download App from Playstore. | Privacy Policy


Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ದೈವದಾ ಸಂಚು...

ಬಲ್ಲವರಾರು ದೈವದಾ ಸಂಚು...
ದೇವನಾಕುವ ಎಲ್ಲದಕೂ ಹೊಂಚು...
ಹಿಂದೆ ಯಾಕಾಯಿತೆಂದು ನೀ ತಿಳಿಯೆ..
ಮುಂದೆ ಏನಾಗುವುದೆಂದು ನೀ ಅರಿಯೆ..
ತಿಳಿಯದಾ, ಅರಿಯದಾ ನಿನಗೇಕೆ
ಈ ಪರಿಯ ಗೊಡವೆ,
ಒಳ್ಳೆಯತನದಲಿ ನಡೆಸು ನೀ ನಿನ್ನ ಬಾಳುವೆ,
ಆಗ ನೀ ಜೀವನದಾ ಉನ್ನತ ಶಿಖರವನ್ನೇರುವೆ.
---- ತಿಪ್ಪೇಸ್ವಾಮಿ ----
? 7619149648

- tippu

22 Mar 2025, 10:09 pm

ನೀ ಎಂದರೆ...

ಉಲ್ಲಾಸ ನೀ ತುಂಬಲು
ಉತ್ಸಾಹ ರಂಗೇರಲು
ಮನವು ನಿನ್ನನ್ನೆ ಹುಡುಕಿದೆ...

ನೂರಾರು ಆಸೆಗೂ ಮುನ್ನ
ನೀ ತೋರಿದ ಪ್ರೀತಿಯೇ ಚೆನ್ನಾ
ಸಲುಗೆ ನೀಡದೆ ಸುಲಿಗೆ ಮಾಡಿದೆ..

ಕಾಡುವ ಕಣ್ಗಳ ಚಲುವ
ಓಡುವ ಮೋಡಗಳ ನಡುವೆ
ಛಲವ ನನ್ನಲ್ಲಿ ನೀ ತುಂಬಿದೆ..

ಬದುಕಿಗೆ ಬಣ್ಣವನಿಟ್ಟೆ
ಬಯಕೆಗೆ ಅಶ್ರಯ ಕೊಟ್ಟೆ
ಬಂಗಾರದ ಬಳುವಳಿಯು ಈ ಬಾಳಿಗೆ

ಕಳೆದೊಂದು ಜನುಮದಿಂದ
ಬಳಿಬಂದು ನೀ ಸುಳಿದಂತೆ
ಅದೇಕೋ ಭಾಂದವ್ಯ ನನ್ನ ಒಳಗೊಳಗೆ.

-ರಂಜಿತ ವಕ್ಕೋಡಿ, ತುಮಕೂರು




- ರಂಜಿತ ವಕ್ಕೋಡಿ

22 Mar 2025, 07:54 pm

ಹೂವು

ನನ್ನ ಎಳೆ ವಯಸ್ಸಿನಲ್ಲಿ ನನ್ನದೇ ಗುಡಿಸಿಲಿನಲ್ಲಿದ್ದ ಕಾಡ ಹೂವೊಂದು ನಗುವುದ ಕಂಡೆ
ಬೇಡಿ ಬಂದವನಿಗೆ ನೀಡದೆ ಅದರ ಸೌಂದರ್ಯವನ್ನು ಕಣ್ತುಂಬಿಕೊಂಡೆ.

ಅಕ್ಕಪಕ್ಕದ ಹೂವುಗಳು ನಲುಗುವುದ ಕಂಡೆ ನೀನೊಬ್ಬಳೆ ನಗುವುದ ಕಂಡೆ.

ಬೇಡ ಬೇಡವೆಂದರೂ ಬೇಡನ ಕರೆದು
ಬಾಡಿಹೋಗುವ ಮುನ್ನ ಬಳುವಳಿಯಾಗಿ ನೀಡಿದೆ.

ನೀಡುವ ಮುನ್ನ ನನಗರಿವಿರಬೇಕಿತ್ತು.
ಬತ್ತಳಿಕೆಯಲ್ಲಿ ಮುಳ್ಳುಗಳೆ ತುಂಬಿರುವ ಬೇಡನಿಗೆ
ಹೂವಿನ ಮೃದುತ್ವ ಹೇಗೆ ಅರಿತಾನು..

ಇಲ್ಲೇ ಬಾಡಿದ್ದರೆ ನಿನ್ನ ಬೀಜಗಳಿಂದ ಹೂ ತೋರಣವೇ ಗುಡಿಸಲ ಮುಂದೆ ಇರುತ್ತಿತ್ತೊ ಏನೋ .
ಆಗಾಗ ಬೇಲಿಯಲ್ಲಿದ್ದ ಹೂಗಳ ಕಂಡಗ ನಿನ್ನೆ ಹುಡುಕುತ್ತಿದ್ದೆ ನಿನ್ನ ವಂಶವೃಕ್ಷ ಇರಬಹುದೆಂದು.

ಒರಟ ಅವನು ಮುಳ್ಳುಗಳ ಉಳಿಸಿ
ಎಸಳುಗಳ ಎಸೆದಿರಬಹುದು.
ಹೂವಿಗೆ ಮುಳ್ಳು ಕಾವಲು ಹೊರತು ಆಸರೆಯಲ್ಲ..
ಆಸರೆ ನೀಡುವ ದುಂಬಿ ಇತ್ತ ಕಡೆ ಸುಳಿದಿಲ್ಲ.

ಈ ಇಳಿ ವಯಸ್ಸಲ್ಲಿ ಎದುರಿದ್ದರೂ ನನ್ನ ಕಣ್ಗಳು ನಿನ್ನ ಗುರುತಿಸಲಾರವು.
ನೀ ಚುಚ್ಚಿದರೂ ಮುಳ್ಳುಗಳು ನನ್ನ ಸ್ಪರ್ಷಿಸಲಾರವು.


-ರಂಜಿತ ವಕ್ಕೋಡಿ, ತುಮಕೂರು

- ರಂಜಿತ ವಕ್ಕೋಡಿ

22 Mar 2025, 07:51 pm

ಒ ನನ್ನವಳೇ ಆದರೆ ಅವರು ಕಳೆದ ವರ್ಷ ನಡೆದ ಘಟನೆ ಇದು ಎಲ್ಲ ಅಂಶಗಳನ್ನು ಒಳಗೊಂಡಿದೆ ಇಲ್ಲ ಎಂಬ ಉತ್ತರ ಬಂತು ಎಂದು ಕೇಳುವ ಅವಕಾಶ ಇಲ್ಲ ಎಂಬ ಉತ್ತರ ಬಂತು ಅಂತ ಏನ್ ಆದ್ರೂ ಇಂತಹದೊಂದು ಕಟ್ಟಲೆಯನ್ನು ಹಾಕಿಕೊಳ್ಳಲು ನೋಡಿದ ಆಗ ಅವರ ಜತೆಯಲ್ಲಿ ನಿಂತವರು

- allabhkasha Hattaeakihal

22 Mar 2025, 01:47 pm

ನಲ್ಮೆಯ ಗೆಳತಿಗೆ

ಪ್ರೀತಿ ಎಂಬ ಪದಕ್ಕೆ ಸ್ಪೂರ್ತಿ ನೀನು |
ಸಿಗಲಾರದ ರಾಧೆಯನ್ನು ಮರೆಯಲಾಗದಷ್ಟು ಪ್ರೀತಿಸಿಬಿಟ್ಟೆ, ನಾನು ರಾಮನೋ ರಾವಣನೋ ಗೊತ್ತಿಲ್ಲ ಆದರೆ ನನ್ನಿಂದ ದೂರ ಆಗಿದು ಮಾತ್ರ ನನ್ನ ಸೀತಾ ನೇ||
ಜಗತಿನಲ್ಲಿ ಅತಿ ಪರಿಶುದ್ಧವಾದ ಪ್ರೀತಿ ಎಂದರೆ ಅದು ಸಿಗಲಾರದ ಪ್ರೀತಿ, ಹಣೆಬರಹದಲ್ಲಿ ಇಲ್ಲದವಳು ಹೃದಯದಲ್ಲಿ ದೇವತೆ ಆಗಿರುವಳು,
ಬೆಳ್ಳಿ ಕಾಲ್ಗೆಜ್ಜೆ ಬೇಕು ಎಂದವಳು ಇವತ್ತು ಬೇರೆಯವರ ಬೆಳ್ಳಿ ಕಾಲುಂಗುರ ವಡತಿಯಾಗಿ ಹೋದವಳು ನನ್ನವಳು,
ಒಳ್ಳೆ ಗುಣದವಳು ಹಾಲಿನ ಮನಸ್ಸಿನವಳು, ಅವಳೇ ನನ್ನವಳು,
ಸೀತೆಯ ಹಾಗೆ ಜೊತೆಗಿರಲು ಬಯಸಿದೆ ಆದರೆ ವಿಧಿ ರಾಧೆಯಂತೆ ದೂರ ಮಾಡಿತು,
ಕಣ್ಣೋಟದಲ್ಲಿ ಕಂಡವಳು ಕಣಂಚಿನಲ್ಲಿ ಮರೆಯದವಳು. ಮರೆಯಲಾಗದಷ್ಟು ಪ್ರೀತಿ ಕೊಟ್ಟು ಮೌನವಾಗಿ ದೂರವಾದಳು.
ನನ್ನವಳು ಮರಳಿ ಬಂದಳೆಂದು ಖುಷಿ ಆಯಿತು ಎದ್ದು ನೋಡಿದಾಗ ಬೆಳಗಿನ ಕನಸೇಂದು ತುಂಬಾ ನೋವಾಯಿತು.
ಅದೃಷ್ಟವಿಲ್ಲದ ಹಣೆಬರಹದಲ್ಲಿ
ವಜ್ರವೊಂದು ಸಿಕ್ಕಿ ಕೈಜಾರಿದಂತೆ......

- ಕನ್ನಡದ ಪ್ರೇಮಿ

22 Mar 2025, 01:35 pm

ನನ್ನ ನಲ್ಲ

ಓ ನನ್ನ ನಲ್ಲನೇ ಎಲ್ಲಿರುವೆ
ನಿನಗಾಗಿ ಕಾದು ಕಾದು ಕುಳಿತಿರುವೆ
ಯಾವ ಕಗ್ಗತ್ತಲೆಯಲ್ಲಿ ಅವಿತಿರುವೆ
ನಿನ್ನ ನೋಡುವ ತವಕಾ ಮಿತಿಮೀರಿದೆ

ನಿನ್ನ ನೋಡುತಾ ನೋಡುತಾ ಮೈ ಮರೆತೆನಾ
ನಿನ್ನ ಪ್ರತಿಪುಟ ತಿಳಿಸಿತು ಬೆಳದಿಂಗಳದೂಟವ
ಪ್ರತಿದಿನವೂ ತಿಳಿಸಿತು ಜೀವನದಾಟವ
ನನ್ನ ಮನದಲ್ಲಿ ಮೂಡಿತು ನೀನೇ ನನ್ನ ನಲ್ಲ

ನೀನೊಂದು ಪದಗಳ ಸಂಪತ್ತು
ಅದನ್ನ ಅರಿಯದೆ ಹೋದರೆ ನಮಗೆ ಆಪತ್ತು
ಮೋಸ ವಂಚನೆಗೆ ದಾರಿ ಮಾಡಿಕೊಡದ ನನ್ನ ಪ್ರೀತಿಯ ಸ್ನೇಹಿತ ನೀನ ಇವತ್ತು.

ಬದುಕುವ ದಾರಿ ತೋರಿಸಿದೆ ನೀ
ಸಂಕಷ್ಟಗಳ ಬಗೆ ಹರಿಸಿದೇ ನೀ
ಬರವಣಿಗೆ ಶುದ್ಧತೆ ತಿಳಿಸಿದೆ ನೀ
ನನ್ನ ಪ್ರೀತಿಗೆ ಇನ್ನೊಂದು ಅರ್ಥವೇ ನೀ.





- ಮೇಘಾ ಬೆಳಧಡಿ

21 Mar 2025, 10:12 pm

ನನ್ನವನು

ನನ್ನವನು,

ಹಣತೆಯಂತೆ
ಬಾಳಿನ ಬೆಳಕಾಗಿ
ನೋವನ್ನುನ್ನುವ ಬತ್ತಿಯಾಗಿ
ಖುಷಿ ನೀಡುವ ಎಣ್ಣೆಯಾಗಿ
ಜೀವನದ ಬೆಳಕಾಗಿ
ನಿಂತಿಹನಿಯವನು ಇವನೇ ನನ್ನವನು.


ನನ್ನವನು,

ಆಕಾಶದಂತೆ ವಿಶಾಲ ಹೃದಯದವನು
ಕತ್ತಲೆಯ ಕಾವು ತಾಗಿಸದವನು
ನಕ್ಷತ್ರಗಳಂತೆ ಮಿನುಗುತಿಹನು
ಬೆಳದಿಂಗಳ ಮೊಗದವನು
ಇವನೇ ನನ್ನವನು

ನನ್ನವನು,

ಸಮುದ್ರದಂತೆ ದುರಾಸೆ ಹೊಂದದವನು
ದುರಹಂಕಾರ ತೋರದವನು
ನೋಡುಗರಿಗೆ ಸುಂದರ ತಾಣನಿವನು ಸುಖ ದುಃಖಗಳ ಸಮ್ಮಿಲಿತನಿವನು,
ಇವನೇ ನನ್ನವನು

ನನ್ನವನು,

ಪರ್ವತದಂತೆ
ಶ್ರಮದ ಪರಿಯನು ಅರಿತವನಿವನು ಧೈರ್ಯಗೆಡದ ಮನಸ್ಸಿನವನು
ಎದೆಗುಂದದ ಸಾಧಕ ನಿವನು
ಇವನೇ ನನ್ನವನು ನನ್ನ ಜೀವನದ ಸಾರ್ಥಕತೆಯವನು

- ಮೇಘಾ ಬೆಳಧಡಿ

21 Mar 2025, 04:36 pm

ಮಗುವಿನ ಸೊಬಗು

ಮುದ್ದು ಮೊಗದ ಸಿಂಗಾರಿ
ನೀ ನನಗೆ ಮಾಡಿದೆ ಮೊಡಿ
ಕಣ್ಣ ಹೊಳಪಿನ ಸೆಳೆತ
ನನಗೇನು ಮಾಡಿದೆ ತವಕ.

ನೋಡಲು ಬಲು ಅಂದ
ಒಂದು ದೃಷ್ಟಿ ಬೊಟ್ಟ
ಇಟ್ಟರೆ ಮಗುವೇ
ನೀನು ಇನ್ನೂ ಚೆಂದ.

ನಿನ್ನ ತೊದಲು ನುಡಿಗಳಿಗೆ
ಬಿದ್ದಿತ್ತು ನನ್ನಯ ದೃಷ್ಟಿ
ಜೋಪಾನ,ಅಮ್ಮನಿಂದೊಂದು
ಇರಿಸಿಕೋ ದೃಷ್ಟಿಯ ಬೊಟ್ಟ.

ನೀನೊಂದು ಸುಂದರ ಗೊಂಬೆಯು
ಗೊಂಬೆಯ ಅಂದ ಹೊಗಳಲು
ಪದಗಳ ಸಂಗ್ರಹ ಸಾಲದು
ಕಲಾಕಾರನೇ ಧರೆಗಿಳಿದು ಬರಬೇಕು.


✍️ಮೇಘಾ B

- ಮೇಘಾ ಬೆಳಧಡಿ

21 Mar 2025, 03:23 pm

ಹಡೆದವ್ವನಲ್ಲ ಎನ್ನ ಪಡೆದವ್ವ

ಪುಟ್ಟ ಕಂದನಿದ್ದಾಗ
ಕರೆ ತಂದಳು ಎನ್ನ
ಹೂವಿನಂತೆ ಅಂಗೈಲಿ
ಪಿಡಿದು ರಕ್ಷಿಸಿದಳು,
ಅವಳೇ ನನ್ನವ್ವನಲ್ಲ ಎನ್ನ ಪಡೆದವ್ವ.


ಹದ ಮಾಡಿ,
ಹಣತೆಯ ಮಾಡಿ,
ಎಣ್ಣೆ ಬತ್ತಿಯಾಗಿ
ಪ್ರಜ್ವಲಿಸುವ ಜ್ಯೋತಿಯಾಗಿ ! ತ್ಯಾಗಮಯಿಯಾಗಿ ಸಂರಕ್ಷಿಸಿದಳು.
ಅವಳೇ ನನ್ನವನಲ್ಲ ಎನ್ನ ಪಡೆದವ್ವ

ಜನರ ನಿಂದೆನೆಗಳ ಸಹಿಸಿ
ಗುರುವಿನಂತೆ ತಿದ್ದಿ ತಿಡಿ
ಸಂಸ್ಕಾರವನ್ನು ನೀಡಿ
ಆಚಾರ ವಿಚಾರಗಳ ತಿಳಿಸಿ
ಕಷ್ಟಗಳ ಸೋಕಿಸದ ಹಾಗೆ ಬೆಳೆಸಿದಳು
ಅವಳೇ ನನ್ನವನಲ್ಲ ಎನ್ನ ಪಡೆದವ್ವ

ಬಾಳ ಬುತ್ತಿಯಲಿ
ಹಂಚಿಕೊಳ್ಳುವ ಗುಣ ಬೆಳೆಸಿ
ಬದುಕಿನ ಭವಣೆಯನು
ಎದುರಿಸುವ ರೀತಿ ತಿಳಿಸಿ
ಬಾಳುವ ಪರಿ ಸೋಕಿಸಿದವಳು
ಅವಳೇ ನನ್ನವನಲ್ಲ ಎನ್ನ ಪಡೆದವ್ವ

✍️ಮೇಘಾ. B

- ಮೇಘಾ ಬೆಳಧಡಿ

21 Mar 2025, 03:04 pm

ನನ್ನ ಮೊದಲ ಕವನ

ಅವಳು

ನೀಲಾಕಾಶದುದ್ದಕ್ಕೂ ಹಾರುವ ಬೆಳ್ಳಕ್ಕಿ ಸಾಲು ಮೋಡ ಕವಿಯುತ್ತಿರುವಂತೆಯೇ
ಮನ ಗರಿಗೆದರಿ ನವಿಲು,
ಕಪ್ಪನೆಯ ಆಗಸದಲ್ಲಿ ಮಿಂಚಿದ ನಕ್ಷತ್ರ
ಕಂಗಳಿನವಳು

ಮೆಲ್ಲಗುದುರುವ ಮುಗಿಲಮಳೆ ಅಕ್ಷತೆಯ ಕಾಳಿಗೆ
ಹಸಿರ ತೆನೆ ಬಳುಕಿ ತೊನೆದಾಡಿ ಹುಲ್ಲದಳ ದಳದ ತುಂಬೆಲ್ಲಾ ಇಬ್ಬನಿ ಹೂ
ಮುಡಿದು ಅರಳಿದವಳು
ಮುಂಜಾನೆ ಮಂಜಿನಲಿ ಹೊಂಬೆಳಕ
ಲೀಲೆಯಲಿ ಮಲ್ಲಿಗೆ ನಗೆ ಬೆಳಗಿ ಜೊತೆಯಾದವಳು. ಹನಿಹನಿ ರಾಸಲೀಲೆಯಲ್ಲಿ ಕುಣಿದು
ಕೆರೆ ಬಾವಿ ಕೊಳ್ಳಗಳ ಎದೆ ತುಂಬಿಕೊಂಡವಳು

ನೆಲಮುಗಿಲ ಒಲವಿನೊಸಗೆ
ಜೀವ ಜೀವದ ಬೆಸುಗೆಯಾದವಳು
ನೀರುಣಿಸಿ ಮಣ್ಣದಾಹವನಿಳಿಸಿದ ಚೈತ್ರ ಚಿಗುರಿನ ಚೆಲುವಿನವಳು
ಹಸಿದ ಒಡಲಿಗೆ ಹಸಿರ
ತುತ್ತ ನಿಟ್ಟ ಕರುಣಾಳು

ತುತ್ತು ಮುತ್ತುಗಳನೊಂದೊಂದೆ ಎಣಿಸಿ ಪೋಣಿಸಿ ಮಾಲೆಯಾಗಿಸಿ
ಉಸಿರಿಂದುಸಿರಿಗೆ ಜೀಕುವ ಮಾಯೆಯವಳು
ತನು ಬಳಸಿ ಮನವನಾವರಿಸಿ ಮಿಡಿವ ಮೋಹದವಳು
ತನ್ನಾತ್ಮ ಸಖನ ಪ್ರೇಮದ ಛಾಯೆ ಅವಳು.

-ರಂಜಿತ ವಕ್ಕೋಡಿ, ತುಮಕೂರು

- ರಂಜಿತ ವಕ್ಕೋಡಿ

19 Mar 2025, 11:09 pm